ദിന ദീനം ! !
അപ്പനൊരു ദിനം അമ്മക്കൊരു ദിനം
അപ്പൂപ്പനുംമുത്തിയമ്മക്കുമോരോ ദിനം
കാമിനിക്കും കാമുകനുമോരോ ദിനം
ഇരുമ്പിനൊരുദിനം തുരുമ്പിനൊരു ദിനം
ചക്കക്കും ചക്കക്കുരുവിനുമോരോദിനം
ചക്കിനൊരു ദിനം കൊക്കിനൊരു ദിനം
മാവിനും മാങ്ങയണ്ടിക്കും ദിനം
കത്തിക്കൊരു ദിനം കോടാലിക്കൊരു ദിനം
അഴുക്കിനോരു ദിനം മെഴുക്കിനും ദിനം
പുഴുക്കിനും പ്രാന്തിനുമോരോ ദിനം
തെക്കിനൊരു ദിനം കിഴക്കിനൊരു ദിനം
പല്ലിനൊരു ദിനം, എല്ലിനൊരു ദിനം
നെഞ്ഞുവേദനിക്കുവാന് മാത്രമായൊരു ദിനം.
കടലിനും കടലാടിക്കുംവെവ്വേറെ ദിനം
ചക്കിക്കൊരു ദിനം ചങ്കരനോരു ദിനം
ചതവിനും ചമ്മലിനും ചമ്മന്തിക്കും ദിനം.
ദിനങ്ങളീവിധം ദീനമായി പടരുകില്
നമുക്കൊന്നു തുമ്മാന് ദിനം കിടക്കുമോ?
ദിനങ്ങളോരോന്നുമീവിധം വിറ്റിടുന്ന
വികൃത കമ്പോള സാമര്ഥൃമേ സ്തുതി!
ഒടുവില് ദിനങ്ങളില്ലാതൊരു ദിനം വരു-
മേതായാലും ചാകുവാനൊരു ദിനം
കരുതാന് മറക്കല്ലേ!
**************
കൃകു 23/06/2011