ചോദ്യങ്ങള് പലവിധം
ചില ചോദ്യങ്ങള് പറന്നാണ് വരിക
പക്ഷികളുടെ രൂപത്തില്.
പാമ്പുകളെപ്പോലെ ഇഴഞ്ഞിഴഞ്ഞ്
വന്നെത്തുന്ന ചോദ്യങ്ങളുമുണ്ട്.
പെരുമഴയ്ക്കു ശേഷം
ഇയ്യാം പാറ്റകളെപ്പോലെ
പറന്നുയര്ന്നെ ത്തുന്ന ചോദ്യക്കൂട്ടങ്ങളെ
പേടിക്കാനില്ല..
അവ പെട്ടെന്നു തന്നെ ചിറകുപൊഴിഞ്ഞു
നിരാധാരങ്ങളായിതീരും.
കൂട്ടത്തില് നിസ്സാരങ്ങളായി തോന്നുന്ന
കൊതുകുരൂപത്തിലുള്ള ചോദ്യങ്ങള്
അപകടകാരികളാണ്..
അവ കാഴ്ചയ്ക്കും കേള്വിക്കും
ബുദ്ധിക്കും ഇടയിലൂടെ, ഒരു പിടിയും തരാതെ,
ഏതോ പരിഹാസപ്പാട്ടും മൂളി വന്നെത്തും
എന്നിട്ട് നൊമ്മടെ അഹങ്കാരത്തിന്റെ യും
ഔദ്ധത്യത്തിന്റെയും
തൊലി തുളച്ച്, ആഞ്ഞാഞ്ഞു കുത്തിക്കൊണ്ടിരിക്കും..
അവയെ സൂക്ഷിക്കണം…!
******************************
കൃകു 22-02-2014